Svimjiskúlin

svim01

Svimjiskúlin er nú farin í summarfrí.

Nærri kunning um komandi svimjiár, tilmelding osv. verður á heimasíðuni um miðjan august.

———————————————————————–

Meira um liðini hjá Svimjiskúlanum 2016/17

BØRN – Svimjiskúlin:

MINI: (í lítla hyli í Gundadali) Kostnaður kr. 1.100 um árið

Hetta er fyri børn, sum eru 2-3 ár (fødd í 2013 og 2014) – eitt foreldur fer útí saman við hvørjum barni. Vant verður 1x25min. um vikuna sunnudag kl 17.35-18.00.

 

HVÍT .0: (í lítla hyli í Gundadali) Kostnaður kr. 1.100 um árið

Lið fyri børn, sum eru 4-6 ár (fødd 2010-2012). Børnini skulu læra seg at vera trygg í vatninum, og læra seg at akta boðum frá einum svimjivenjara, umframt at læra grundleggjandi rørslur. Tað er tó sera umráðandi, at tey í hesum aldrinum eisini sleppa at hava tað stuttligt. Vant verður 1×25 min. um vikuna.

 

GUL .0: (í lítla hyli í Gundadali) Kostnaður kr. 1.100 um árið

Lið fyri børn, sum eru 4-6 ár (fødd 2010-2012). Børnini skulu vera trygg í vatninum, og læra seg at akta boðum frá einum svimjivenjara, umframt nakrar grundleggjandi teknikkir. Tað er umráðandi at hava tað stuttligt fyri at varveita áhugan. Vant verður 1×25 min. um vikuna. (møguliga sleppa tey eldru at svimja 2×25 min. um vikuna aftaná jól, har tann eina venjingin verður í djýpri hylinum á Argjum ella í Eysturskúlanum)

 

HVÍT .1: (í Eysturskúlanum og/ella á Argjum) Kostnaður kr. 1.300 um árið

Lið fyri børn, sum eru frá 7 ár (fødd 2009 og eldri). Hyljarnir eru sindur djýpri enn lítli hylur í Gundadali, og her læra børnini at vera trygg í vatninum, og læra seg at akta boðum frá einum svimjivenjara, umframt at læra grundleggjandi rørslur. Tað er tó sera umráðandi, at tey eisini sleppa at hava tað stuttligt. Vant verður 1×40 min. um vikuna.

 

GUL .1: (í Eysturskúlanum og/ella á Argjum) Kostnaður kr. 1.300 um árið

Lið fyri børn, sum eru frá 7 ár. Hyljarnir eru sindur djýpri enn lítli hylur í Gundadali, og her læra børnini at flóta, umframt nakrar grundleggjandi teknikkir. Eisini her er tað umráðandi at hava tað stuttligt fyri at varveita áhugan. Vant verður 1×40 min. um vikuna (møguliga 2×40 min., men so verður kostnaðurin kr. 1.600).

 

GUL .2: (í Eysturskúlanum og/ella á Argjum) Kostnaður kr. 1.600 um árið

Lið fyri børn, sum eru eldri enn 7-8 ár. Hyljarnir eru sindur djýpri enn lítli hylur í Gundadali, og her læra børnini at flóta, umframt nakrar grundleggjandi teknikkir. Eisini her er tað umráðandi at hava tað stuttligt fyri at varveita áhugan. Vant verður 2×40 min. um vikuna.

 

APPELSINGUL: (í Eysturskúlanum og/ella á Argjum) Kostnaður kr. 1.600 um árið

Lið fyri børn, sum eru 7 ár og eldri, og sum hava svomið við hvítum ella gulum liði. Eldri børn, sum eru meldað til fyri fyrstu ferð, kunnu møguliga eisini fara á hesi liðini, um tey verða mett at kunna fylgja við hinum. Vant verður 2×40 min. um vikuna. Ofta endar undirvísingin við spæli ca. 10-15 min., tí tað eisini her er sera umráðandi at hava tað stuttligt.

 

GRØN: (í Eysturskúlanum og/ella á Argjum) Kostnaður kr. 1.600 um árið

Lið fyri børn, sum eru eldri enn 7 ár, og sum hava svomið við HS fyrr. Eldri børn, sum eru meldað til fyri fyrstu ferð, kunnu møguliga eisini fara á hesi liðini, um tey verða mett at kunna fylgja við hinum. Vant verður 2×40 min. um vikuna. Viðhvørt endar undirvísingin við spæli ca. 10-15 min., tí tað eisini her er sera umráðandi at hava tað stuttligt. Summir svimjarar á grønu liðunum fáa møguliga tilboð um at luttaka í kappingum í 16m hyli – tað er tó altíð venjarin, sum ger av, hvør er klárur til hetta, og boðar síðani foreldrunum frá stutt áðrenn kappingina.

 

BLÁ: (í Eysturskúlanum og/ella á Argjum) Kostnaður kr. 1.600 um árið

Lið fyri børn, sum hava svomið við appelsingulum ella grønum liði, ella sum hava nakrar ávísar grundleggjandi tekniskar førleikar innan svimjing. Vant verður 2×40 min. um vikuna. Møguleiki er fyri at luttaka í onkrum kappingum í 16m hylum í Leirvík, Fuglafirði og á Toftum (her er tó aldursmark uppeftir = upp til 11 ár fyri gentur og 12 ár fyri dreingir). Tað er ikki eitt krav at luttaka, men tað er ein fyrimunur so svimjarin verður klárur at koma á kappingarlið. Tað er ráðiligt at byrja so tíðliga sum gjørligt at svimja til kappingar, tí børn ofta kunnu halda seg aftur, tá tey gerast eldri.

 

REYÐ: (í Eysturskúlanum ella á Argjum) Kostnaður kr. 1.800 um árið

Lið fyri tey, sum hava svomið við grønum ella bláum liði. Vant verður 3×40 min. um vikuna, og luttikið verður í kappingum. Fyrsta hálvárið í smærru 16m hylunum í Leirvík, Fuglafirði og á Toftum (her er tó aldursmark uppeftir = 11 ár fyri gentur og 12 ár fyri dreingir), og seinna hálvárið eisini í stóru 25m hylunum í Havn og Klaksvík (møguliga eisini í 50m-hylinum í Vági). Tað er ikki eitt krav at luttaka, men tað er ein fyrimunur so svimjarin verður klárur at koma á kappingarlið. Tað er ráðiligt at byrja so tíðliga sum gjørligt at svimja til kappingar, tí børn ofta kunnu halda seg aftur, tá tey gerast eldri.
GG: Fyri øll liðini er galdandi, at tey bert vera treytað av nóg stórari luttøku og at vit finna venjarar til tey øll. Og broytingar annars kunnu koma fyri.

 

Reglugerð fyri Svimjiskúlan (PDF)

Aðrar treytir – Svimjiskúlin: Svimjiskúlaárið er frá 5. september 2016 til og við 4. juni 2017. Og annars er eingin svimjing, tá fólkaskúlin hevur feriu, og teir dagarnar, tá skúlarnir hvør í sær hava stongt. Upplýst verður so hvørt á heimasíðuni og á viðkomandi facebook-bólkum.

Annað: Í svimjiárinum skipar HS fyri ymiskum tiltøkum at savna pening inn til raksturin, og nevndin er sera takksom fyri, at flest allir limir eru við til at rætta eina hjálpandi hond í hesum sambandi. Alt arbeiði hjá felagnum verður annars gjørt ólønt, tó at venjararnir fáa vanliga tímaløn til venjingarnar.

 

Høvuðsstuðul SMS

Stuðlar

Reyni Service

Sportigan

Fonn Flog

Tíðindasavn