Arbeiðsbólkar

Arbeiðsbólkar í Havnar Svimjifelag:

 

  1. Svimjistevnubólkur úti:
    • Uppgáva: Skipa fyri øllum í sambandi við luttøku hjá HS í svimjistevnum, sum ikki eru í Havn,(tó ikki svimjistevnur sum eru í 16 m. hyljum) s.s. ferðing, flutningi, innkvartering, innkeyp og matgerð. Taka ímóti gjaldi frá luttakarunum, og avrokna við kassameistaran. Harafturat syrgja fyri at minst trý hjálparfólk eru til sjálva svimjistevnuna.
    • Limir: Ingvør Mohr, Susann Hestoy, Gunnleyg Ihlen
  2. Svimjistevnubólkur heima:
    • Uppgáva: Syrgja fyri at kappingarleiðari verður útnevndur og innbjóðing verður send út, og møguliga samskifta við útnevnda høvuðsdómaran. Kappingarleiðarin kann gott vera ein av limunum í bólkinum.
      Biðja hjálparfólk, til allar stevnupartarnar, og annars ansa eftir at nokk av hjálparfólkum eru tøk.
      Í samstarvi við kappingarleiðaran at fyrireika venjara og hjálparfólkafundir, herundir at útskriva skrá, útflýggja skrá til venjarar. Gera mappurnar til hjálparfólkini klárar. Hava stoppur, vendiplátur og eyðkennisbúnar til hjálparfólkini klárar.
      Skaffa fólk til at rigga høllina til og av, útskriva kappingarskrá, skaffa ljóðanlegg, hava ábyrgdina av at høllin verður latin upp tá hon skal, og ansa eftir at hon verður stongd um kvøldið, og at hon verður leverað í sama standi sum vit fingu hana, tó ikki vaska.
      Hava yvirskipaðu ábyrgdina av at svimjistevnurnar, sum HS skipar fyri vera skipaðar og gjøgnumførdar á høgum og fyri svimjararnar nøktandi støði.
    • Limir: Vit mangla limir til hendan bólkin. Tilmelda.
  3. Svimjistevnubólkur masters:
    • Uppgáva: Skipa fyri øllum í sambandi við svimjistevnur fyri masterssvimjararnar, úti sum heima, herundir Jóansøkusvimjingina og uppihaldið umborð á Jóhannu, og Ólavsøkusvimjingina.
    • Limir: Vit mangla limir til hendan bólkin. Tilmelda.
  4. Trivnaðarbólkur vaksin:
    • Uppgáva: Skipa fyri trimum veitslum um árið. Tveimum endaveitslum fyri rørsluliðunum, og eini jólaveitslu í januar fyri HS.
    • Limir: Súsanna Køtlum, Anida Johannesen, Annika Antoniussen
  5. Trivnaðarbólkur børn:
    • Uppgáva: Skipa fyri jólatræshaldi og grilltiltaki fyri svimjiskúlanum, ávikavist í desember og mei mánaði, umfarmt onnur undirhaldstiltøk og møguligar svimjikappingar fyri tey smæstu børnini í felagnum. Haraftrat skipa fyri familjusvimjidegi, serliga í byrjanini av svimjiárinum, so venjararnir fáa høvi til at síggja hvørjum støði svimjararnir eru á, og harvið tryggja at børnini koma á rætt lið.
    • Limir: Vit mangla limir til hendan bólkin. Tilmelda.
  6. Venjingarlegur bólkurin:
    • Uppgáva: Í samstarvi við høvuðsvenjara felagsins, skipa fyri øllum í sambandi við árligar venjingarlegur uttanlands, eins og venjingarlegur í Føroyum, harundir bílegging av flogferðaseðlum, innivist og venjingartíðum í svimjihallunum og bílegging av møguligum flutningi millum gistingarstað og svimjihøll, eins og at skaffa leiðarar, ið vanliga eisini eru kokkar, og møguliga hjálparvenjara.
    • Limir: Anya S. Midjord. Vit mangla tveir limir til hendan bólkin. Tilmelda.
  7. Tilmeldingarbólkur:
    • Uppgáva: Skipa fyri øllum í sambandi við árligu tilmeldingina, sum er um mánaðarskifti august/september, harundir fyrireika internettilmelding.
    • Limir: Vit mangla limir til hendan bólkin. Tilmelda.
  8. Pannukøkuvognsbólkur:
    • Uppgáva: Skipa fyri at selja pannukøkur á ymsum hóskandi støðum, fyri harvið at savna pening inn til felagið.
    • Limir: Vit mangla limir til hendan bólkin. Tilmelda.
  9. Stuðulsbólkur:
    • Uppgáva: Í samstarvi við høvuðsvenjara felagsins skipa fyri tveimum árligum stuðulssvimjingum, eins og skipa fyri øðrum tiltøkum fyri at fáa pening til vega til rakstur av felagnum.
    • Limir: Ingvør Mohr, Susann Hestoy. Vit mangla ein lim aftrat. Tilmelda
  10. Marknaðarføringsbólkur:
    • Uppgáva:
    • Limir: Vit mangla limir til hendan bólkin. Tilmelda.
  11. Kantinubólkur:
    • Uppgávur: Hava kantinuna um hendur tá vit hava svimjistevnur, og til FM t.d. ì heila tikið tá stevnur ella líknandi eru í svimjihøllini í Havn.
    • Limir: Jóna Petersen, Óluva Sigvardsen, Finnbjørg Nattestad
  12. 75 ára jubileumsbólkur: Havnar Svimjifelag fyllir 75 ár í september 2013.
    • Uppgáva: Finna uppá, og skipa fyri tiltøkum, og øðrum í sambandi við at Havnar Svimjifelag fyllir 75 ár í september 2013, so hetta er ein tíðaravmarkaður bólkur.
    • Limir: Vit mangla limir til hendan bólkin. Tilmelda
Høvuðsstuðul SMS

Stuðlar

Reyni Service

Sportigan

Bíðilisti

Bíðilisti: børn fødd 2011-2013

Bíðilisti: børn fødd 2010 og eldri

Vegleiðing og venjingartíðir eru her

Tíðindasavn